Wann ois mol sait
„oh gang m’r hoim“,
no sottsch es net v’rlassa
ond hoimwärts ganga
uf d’r Schdell.

Des wär,
i muaß es wirglich saga,
a bissale doch gar zu schnell.
Desjenig will doch
oifach saga:
„Des glaub i aber net
so g’schwend“.

Ond schlehchd dir des
au uf da Maga,
so bleed isch doch
koi oizigs Kend,
do oifach omdreha
ond verdufda.

Deen Fehler wieder
guat zom macha,
do kosch beschdemmt
a Weile schufda.